Пасля затрымання звольнілі кіраўніка тэлерадыёкампаніі "Гродна"
Мікалай Мельячэнка / ctv.by
Пасля затрымання звольнілі кіраўніка тэлерадыёкампаніі "Гродна". Падчас навагодніх святаў Мікалая Мельячэнку злавілі п'яным за рулём. Новы год ён сустракаў за кратамі, паведамляе Hrodna.life.
Даныя дырэктара ўжо зніклі з сайта тэлерадыёкампаніі. Яго пасада пакуль вакантная. Выконваючым абавязкі стаў галоўны інжынер Уладзімір Жудро.
Мікалаю Мельячэнку 49 гадоў. Ён узначальваў тэлерадыёкампанію з 2008 года. Да гэтага быў загадчыкам карпункта БТ. У 2017-м Мельячэнка асабіста агучваў прапагандысцкі фільм пра апазіцыянераў. Быў дэлегатам "Усебеларускага народнага сходу". Па звестках выдання, яго і раней затрымлівалі за кіраванне ў п’яным выглядзе.
