У Беларусі забаранілі пяць замежных тэлеканалаў
Бо аператары сувязі, якія іх распаўсюджвалі, не падалі заяўкі на працяг трансляцыі.
У Беларусі забараняецца трансляцыя пяці замежных тэлеканалаў — "9 Хваля", "Amazing LIFE", "Nat Geo Wild HD", "Кіналюкс" і "Парк забаваў". Пра гэта паведамляецца на сайце Міністэрства інфармацыі.
Аператары сувязі, якія транслявалі гэтыя каналы, не падалі своечасова ў Мінінфарм заяўкі на працяг трансляцыі. Цяпер трансляцыя гэтых каналаў на тэрыторыі Беларусі з'яўляецца недапушчальнай.