У Беларусі сёлета пройдуць выпрабаванні гранатамёта ўласнай вытворчасці

У Беларусі сёлета пройдуць выпрабаванні гранатамёта ўласнай вытворчасці. Пра гэта заявіў старшыня Дзяржаўнага ваенна-прамысловага камітэта Сяргей Гурулёў.

"Мы ў гэтым годзе будзем выпрабоўваць свой, "дамарослы" гранатамёт, супрацьтанкавы ракетны комплекс", — цытуе словы Гурулёва БЕЛТА. Паводле слоў старшыні Дзяржаўнага ваенна-прамысловага камітэта, ужо заканчваецца праца над зенітна-ракетнымі комплексамі сярэдняй далёкасці.