У аўторак у Беларусі чакаюцца дажджы
У бліжэйшыя суткі, 8 красавіка, у Беларусі чакаецца воблачнае з праясненнямі надвор'е.
Пра гэта інфармуе БЕЛТА са спасылкай на Рэспубліканскі гідраметэацэнтр.
Уначы і раніцай на большай частцы тэрыторыі краіны пройдуць дажджы, месцамі па Віцебскай вобласці — моцныя дажджы. У асобных раёнах Беларусі прагназуецца туман.
Удзень месцамі пройдуць кароткачасовыя дажджы. Вецер чакаецца пераменных напрамкаў 4-9 метраў у секунду.
Тэмпература паветра ўначы складзе +3...+9 градусаў, удзень будзе ад 9 градусаў цяпла па паўночным усходзе да 20 градусаў — па паўднёвым захадзе краіны.
Фота — shunk.ru
