У Астане ўзброены мужчына ўзяў закладнікаў у аддзяленні банка
![Спецназ блакуе захопленае аддзяленне банка / Скрыншот](/sites/default/files/styles/gallery_main/public/2023-08/Screenshot_3.png.webp?itok=e-M6bPYx)
Спецназ блакуе захопленае аддзяленне банка / Скрыншот
У сталіцы Казахстана Астане ўзброены мужчына захапіў закладнікаў у аддзяленні банка. Аддзяленне ачэпленае спецназам, з невядомым вядуцца перамовы.
Мужчына зачыніўся ў аддзяленні банка "Каспій" і ўзяў у закладнікі, паводле папярэдніх звестак, сем жанчын і аднаго ахоўніка. Па розных звестках, гэта або толькі супрацоўнікі банка, або супрацоўнікі і кліенты.
У ходзе перамоваў з паліцыяй мужчына агучыў свае патрабаванні: перавесці ўсе актывы банка ў фонд дзецям-інвалідам, маламаёмасным і тым, хто мае патрэбу ў дапамозе. На выкананне патрабаванняў ён даў тры гадзіны, пасля чаго абяцае забіць закладнікаў.
![В Астане вооруженный мужчина взял заложников в отделении банка](/sites/default/files/styles/default_image_paragraph/public/paragraphs/image/koll2Bank1806.jpg.webp?itok=72beFHgj)
Каб сачыць за галоўнымі навінамі, падпішыцеся на канал Еўрарадыё ў Telegram.
Мы штодня публікуем відэа пра жыццё ў Беларусі на Youtube-канале. Падпісацца можна тут.