У Асіповічах мужчына загінуў пад цягніком "Гомель — Гродна"
У Асіповічах мужчына загінуў пад цягніком "Гомель — Гродна". Здарэнне адбылося ўвечары 19 лістапада. Як інфармуе прэс-служба УУС Магілёўскага аблвыканкама, 47-гадовы мужчына на станцыі пераходзіў чыгунку па пешаходным насціле. Машыніст падаваў гукавы сігнал і выкарыстаў экстраннае тармажэнне, аднак сутыкнення з пешаходам пазбегнуць не ўдалося. Ён атрымаў смяротныя траўмы і памёр. Праводзіцца праверка.
