Трохбаковая кантактная група сустрэнецца ў Мінску сёлета яшчэ тройчы
У снежні запланаваныя яшчэ тры сустрэчы ў рамках трохбаковай кантактнай групы па вырашэнні канфлікту на Данбасе. Яны павінны адбыцца 8, 15 і 22 снежня.
Такія даты, як перадае censor.net.ua, назваў прадстаўнік АБСЕ на перамовах у трохбаковай кантактнай групе Марцін Сайдзік на прэс-канферэнцыі ў рамках Савета міністраў АБСЕ. Дыпламат выказаў спадзяванне, што кантактная група, магчыма, знойдзе мірнае вырашэнне ўрэгулявання канфлікту на ўсходзе Украіны.
Сайдзік паведаміў, што ёсць шэраг адкрытых пытанняў, у прыватнасці ў сферы палітыкі, гуманітарнай сферы, а таксама аднаўленні кантролю Украіны над дзяржаўнай мяжой.
Фота: Reuters
