Сёлета з вышэйшай лігі чэмпіянату Беларусі па футболе вылятае адна каманда
Футбол на пачатку вясны / vk.com/fcshakhterby
Сёлета з вышэйшай лігі чэмпіянату Беларусі па футболе наўпрост вылятае толькі адна каманда — апошняя. Каманда, якая зойме 14-е месца, правядзе стыкавыя матчы з трэцяй камандай першай лігі. Два найлепшыя клубы Д2 наўпрост выйдуць у эліту. Гэта вынікае з прынцыпаў ратацыі паміж лігамі ў сезоне 2023 года, якія зацвердзіла федэрацыя футбола, піша "Прессбол".
Як вядома, у вышэйшай лізе будзе толькі 15 каманд — "Макслайн" не быў дапушчаны федэрацыяй і застаўся ў першай лізе. Чакаецца, што ў 2024-м іх зноў стане 16.
Чэмпіянат Беларусі па футболе ў вышэйшай лізе стартуе 17 сакавіка.
