Супрацоўнікі "Нашай Нівы" застаюцца затрыманымі

11/07/2021 - 16:48

На мінулым тыдні па краіне пракацілася хваля рэпрэсій у адносінах да журналістаў і актывістаў / TASS

На мінулым тыдні па краіне пракацілася хваля рэпрэсій у адносінах да журналістаў і актывістаў / TASS

Праз 72 гадзіны з моманту затрымання супрацоўнікаў выдання "Наша Ніва" — Ягора Марціновіча, Андрэя Скурко, Вольгі Раковіч і Андрэя Дынько — на свабоду яны не выйшлі, піша выданне.

Ні адвакатам, ні сваякам нічога не паведамілі з нагоды таго, што супрацоўнікі "Нашай Нівы" застаюцца за кратамі.

Нагадаем, галоўнага рэдактара «Нашай Нівы» Ягора Марціновіча затрымалі як падазраванага па ч. 1 арт. 342 КК (Арганізацыя альбо падрыхтоўка дзеяньняў, што груба парушаюць грамадзкі парадак, альбо ўдзел у іх). Пры затрыманні яго збілі.

У такім жа статусе ў СІЗА на Акрэсціна знаходзяцца галоўны рэдактар часопіса «Наша гісторыя» Андрэй Дынько, начальнік аддзела рэкламы і маркетынгу Андрэй Скурко і галоўны бухгалтар Вольга Раковіч.

Каб сачыць за галоўнымі навінамі, падпішыцеся на канал Еўрарадыё ў Telegram.

Мы штодня публікуем відэа пра жыццё ў Беларусі на Youtube-канале. Падпісацца можна тут.