Старшыню Гомельскага райвыканкама звольнілі за прагулы
Старшыню Гомельскага райвыканкама Аляксандра Сітніцу звольнілі з пасады за прагулы, інфармуе БЕЛТА.
У прэс-службе Гомельскага аблвыканкама журналістам удакладнілі: "У адпаведнасці з распараджэннем старшыні Гомельскага аблвыканкама з 12 красавіка 2018 года Сітніца А.М. вызвалены ад пасады за грубае парушэнне сваіх працоўных абавязкаў (прагулы)".
Як паведамляла Еўрарадыё, чыноўнік знік з працоўнага месца каля тыдня таму. Паводле неафіцыйнай інфармацыі, праваахоўнікі пачалі на яго праверку наконт магчымай карупцыі.
