Сіноптыкі: У сераду ўдзень у Беларусі чакаецца да 4 цяпла
Дождж і мокры снег магчымыя толькі ў асобных раёнах, на большай частцы тэрыторыі нашай краіны без ападкаў.
Вецер заходні, 3-8 метраў за секунду, у начныя гадзіны на поўначы Беларусі — з парывамі да 12 метраў.
Тэмпература паветра ўначы ў сераду складзе ад 4 градусаў марозу да 1 градуса цяпла, у дзённыя гадзіны — ад 1 марозу да 4 цяпла.
Падобнае надвор'е захаваецца да канца тыдня. У бліжэйшы час ніякія актыўныя цыклоны нашай краіне не пагражаюць, сцвярджаюць сіноптыкі.
Фота — БЕЛТА
