Сіноптыкі: у нядзелю будзе без істотных ападкаў, да +16
У бліжэйшыя суткі, 13 красавіка, у Беларусі будзе хмарна з праясненнямі.
Уначы без істотных ападкаў, удзень па паўночна-заходняй палове краіны пройдуць кароткачасовыя дажджы. Уначы і раніцай месцамі будзе слабы туман. Вецер паўднёва-ўсходні, паўднёвы слабы да ўмеркаванага.
Тэмпература паветра ўначы складзе ад нуля да 7 градусаў цяпла, удзень будзе плюс 10-16 градусаў, перадае БЕЛТА са спасылкай на Белгідрамет.
