Санкцыі: літоўская мытня не прапусціла запчасткі з БелАЗа
Літоўская мытня не прапусціла праз мяжу у пункце пропуску Медзінінкай запчасткі з БелАЗа. Груз вагой амаль 15 тон на 214 тысяч долараў спрабавалі адправіць у Боснію і Герцагавіну. Мытнікі спаслаліся на тое, што БелАЗ знаходзіцца пад санкцыямі ЕС, і вярнулі груз назад у Беларусь.
Літоўскія мытнікі нагадваюць, што ў верасні не прапусцілі груз запчастак з БелАЗа, які збіраліся адправіць у Чылі праз Клайпедскі порт.
БелАЗ трапіў пад санкцыі ЕС у чэрвені. У кастрычніку стала вядома пра яго зварот у Савет Еўрасаюза з патрабаваннем выключыць з "чорнага спісу".
