Ва Украіне суд забараніў абнародаваць вынікі выбараў у дзвюх акругах
Такое рашэнне Вышэйшы адміністрацыйны суд Украіны прыняў наконт акругаў N11 і N14.
Цэнтравыбаркам ня мае права публікаваць вынікі, пакуль не скончыцца суд па пазовах апазіцыі, інфармуе РБК.
Кандыдаты ад Аб'яднанай апазіцыі Наталля Салейка (акруга N11) і Іван Мельнічук (акруга N14) падалі пазовы супраць ЦВК. Яны абвінавацілі камісію, што тая незаконна прызнала пераможцамі ў гэтых акругах праўладных кандыдатаў.
Суд запатрабаваў у ЦВК выбарчую дакументацыю з гэтых акругаў, у прыватнасці, пратаколы паседжанняў і рашэнні акруговых і ўчастковых камісій. Паседжанні прызначаныя на 14 кастрычніка.
Паводле звестак ЦВК, у акрузе N11 перамогу атрымаў самавылучэнец Аляксандр Дамброўскі, а ў акрузе N14 - самавылучэнец Віктар Жарабнюк.
Фота — severcity.info
