Тыдзень французскага кіно распачаўся ў Брэсце
Пяць фільмаў прадставіць брэсцкаму гледачу пасольства Францыі ў РБ сумесна з “Брэстаблкінавідэапракатам”.
Распачаўся кінатыдзень з прагляду гістарычнай драмы “Жан дэ Лафантэн - выклік лёсу”. Перад пачаткам кінастужкі прысутных павітала дарадца па супрацоўніцтве і культуры пасольства Францыі ў РБ Ліз Тальбо Барэ. З яе словаў, арганізатары спрабавалі максімальна разнастаіць праграму з разлікам на самую шырокую аўдыторыю.
Да 20га лістапада ў малай зале кінатэатра "Беларусь" будуць праходзіць па 4 кінасэансы. Фільмы транслююцца на мове арыгіналу з рускімі субтытрамі.
