ЦВК зарэгіструе кандыдатаў у члены Савета Рэспублікі
На паседжанні 5 верасня Цэнтрвыбаркам разгледзіць дакументы аб вылучэнні прэтэндэнтаў на крэсла сенатара ў абласцях і ў Мінску.
Нагадаем, вылучэннем займаліся прэзідыюмы гарадскіх і раённых Саветаў, а таксама выканкамы. Пасля рэгістрацыі ў ЦВК кандыдаты пачнуць агітацыйную кампанію. Да 25 верасня адбудзецца галасаванне ў абласных Саветах і Мінгарсавеце — ад кожнай вобласці і Мінска ў Савет Рэспублікі будзе выбрана па 8 чалавек, яшчэ 8 членаў прызначыць кіраўнік дзяржавы.
На сённяшнім паседжанні ЦВК разгледзіць і пытанні агітацыйнай кампаніі кандыдатаў у дэпутаты Палаты прадстаўнікоў, паведамляе БЕЛТА.
Фота — sovrep.gov.by
