Аляксандра Сасновіч прайграла ў першым жа раўндзе US Open
Аляксандра Сасновіч / "Беларусь 5"
Беларуская тэнісістка Аляксандра Сасновіч (107-ае месца ў рэйтынгу WTA) прайграла ў першым жа раўндзе US Open.
Наша суайчынніца саступіла прадстаўніцы Вялікабрытаніі Кэці Бултэр (33) — 7:5, 2:6, 1:6. Сустрэча доўжылася 2 гадзіны 25 хвілін.
Як паведамляла Еўрарадыё, на US Open выступаюць яшчэ дзве беларускі — Арына Сабаленка і Вікторыя Азаранка. Яны свае першыя паядынкі ў турніры выйгралі.
