На Менцы археолагі знайшлі могілкі XI стагоддзя
![Раскопкі на Менцы](/sites/default/files/styles/gallery_main/public/2024-08/555555.jpg.webp?itok=p2WCEu1c)
Раскопкі на Менцы / t.me/iinanb/
На гарадзішчы на Менцы (Мінскі раён) археолагі знайшлі могілкі XI стагоддзя, паведамляе "Спутнік". Яны знаходзіліся ўнутры гарадскіх сцен. Гэта можа азначаць, што побач была царква (недалёка ад уезду ў гарадзішча з заходняга боку). Археолаг Андрэй Вайцяховіч кажа, што знаходка стала нечаканасцю. Пахаванні каля храма былі статуснымі і там маглі быць пахаваныя толькі прадстаўнікі мясцовай эліты, тыя ж святары.
Вайцяховіч мяркуе, што на гарадзішчы на Менцы знаходзілася самая старажытная хрысціянская царква ў гэтым рэгіёне. Лакалізаваць яе будзе дастаткова складана, паколькі яна найхутчэй была драўлянай.
Сёлета навукоўцы паставілі кропку ў дыскусіі, дзе першапачаткова знаходзіўся Мінск. Гэта гарадзішча на рацэ Менка ў Мінскім раёне. Маштабныя археалагічныя даследаванні, якія з 2023-га там праводзяцца, паказалі, што ўжо ў канцы Х стагоддзя там быў сапраўдны горад, які "згас" у XII стагоддзі. Плануецца стварыць на Менцы музейны комплекс.
![На Менцы археолагі знайшлі могілкі XI стагоддзя](/sites/default/files/styles/default_image_paragraph/public/paragraphs/image/11134455.jpg.webp?itok=cTo-tZHw)
![На Менцы археолагі знайшлі могілкі XI стагоддзя](/sites/default/files/styles/default_image_paragraph/public/paragraphs/image/1113_1.jpg.webp?itok=snGVynve)
![На Менцы археолагі знайшлі могілкі XI стагоддзя](/sites/default/files/styles/default_image_paragraph/public/paragraphs/image/111344.jpg.webp?itok=jV3DqFJ_)
Каб сачыць за галоўнымі навінамі, падпішыцеся на канал Еўрарадыё ў Telegram.
Мы штодня публікуем відэа пра жыццё ў Беларусі на Youtube-канале. Падпісацца можна тут.