Турма ў арэнду, трагедыя Мэраі Кэры і немцы, якія з'язджаюць з ФРГ — #ІхНоравы

27/08/2024 - 17:16

Замежныя навіны / @rubanau_collage

Улады Эстоніі маюць намер прытуліць у сябе замежных злачынцаў. Для гэтага яны збіраюцца здаваць свае паўпустыя турмы ў арэнду. Пакуль міністры разважаюць над гэтай ідэяй, у французскіх Альпах імкліва растае "Ледзяное мора", паглядзець на якое прыязджае ўсё больш турыстаў.

Куды адпраўляюцца немцы, якія больш не хочуць жыць у Германіі, і чаму амерыканская спявачка Мэрая Кэры надзела жалобу, чытайце ў нашай традыцыйнай рубрыцы "Іх норавы".

Турмы ў арэнду

Эстонія збіраецца здаваць у арэнду турмы краінам Еўрасаюза, у якіх не хапае месцаў для зняволеных.

Паводле міністра юстыцыі Лійзы Пакосты, сёння Эстонія з'яўляецца адной з чатырох краін ЕС, дзе злачыннасць знаходзіцца на нізкім узроўні. Зараз тры эстонскія турмы стаяць паўпустыя. У іншых эўрапейскіх дзяржавах злачыннасьць расце, і месцаў для зняволеных часам не хапае.

На думку эстонскіх уладаў, здаванне турмаў у арэнду прыцягне дадатковыя сродкі ў дзяржбюджэт. На здачы турмаў у арэнду краіна зможа зарабіць каля 30 мільёнаў еўра.

Кабінет міністраў пакуль што не абмяркоўваў гэтую прапанову. Перш чым яно будзе рэалізаванае, яго павінен ухваліць парламент. Досведам аналагічнай практыкі могуць падзяліцца Нідэрланды — краіна здавала турмы ў арэнду Нарвегіі.

Ледавік растае

Імкліва растае найбуйнейшы ў Францыі ледавік Мер-дэ-Гляс. Навукоўцы кажуць, што ён можа цалкам знікнуць ужо да канца нашага стагоддзя, але турысты баяцца, што гэта здарыцца яшчэ раней. Усё часцей яны прыязджаюць на курорт Шамані, каб жыўцом пабачыць "Ледзяное мора".

— Мы хацелі паглядзець на гэтыя глыбы лёду: што, калі ў канцы года іх ужо не будзе. Таму мы вырашылі прыехаць. Мы выдатна разумеем, што ўсяго праз некалькі гадоў пейзаж будзе ўжо не такі, як раней, — кажуць вандроўнікі.

Тюрьма в аренду, трагедия Мэрайи Кэри и немцы, которые уезжают из ФРГ — #ИхНравы

Ледавік Мер-дэ-Гляс / wikipedia.org

Яшчэ адзін папулярны кірунак для немцаў — гэта Аўстрыя. Апошнім часам колькасць тых, хто пераязджае туды, расце нават хутчэй, чым у Швейцарыю.

Па дадзеных Destatis, у 2023 годзе ў Аўстрыі пражывала 225 тысяч немцаў. Іх колькасць за год павялічылася на 8 тысяч 280 чалавек, што складае рост на 3,7 працэнта.

Даследчыкі лічаць, што галоўнымі прычынамі пераезду ў гэтую краіну з'яўляюцца геаграфічная блізкасць і адсутнасць моўнага бар'ера.

Таксама немцам сімпатычная сонечная Іспанія. У 2023 годзе там пражывала каля 126 тысяч грамадзян ФРГ. Праўда, калі параўноўваць з мінулым годам, колькасць немцаў, якія жывуць у Іспаніі, скарацілася амаль на 12 працэнтаў.

Адразу дзве смерці ў сям'і Мэраі Кэры

На мінулых выхадных у сям'і Мэраі Кэры адбылася трагедыя. У адзін дзень амерыканская спявачка страціла адразу двух блізкіх людзей — сястру і маму.

Маці Мэры Кэры Патрысіі было 87 гадоў, а сястры Элісан — 63 гады.

— Я адчуваю сябе шчаслівай, таму што здолела правесці апошні тыдзень са сваёй мамай перад яе смерцю, — падзялілася спявачка. Пра тое, што здарылася, яна не расказвае, але дзякуе прыхільнікам за падтрымку і тактоўнасць.

Патрысія Кэры была опернай спявачкай, а таксама навучала вакалу. У сваіх мемуарах Мэрая Кэры пісала, што яе адносіны з маці ніколі не былі простымі, і апісвае іх як "цэлую вясёлку эмоцый".

Кніга выйшла ў 2020 годзе і стала прычынай канфлікту з сястрой Элісан, хоць і да публікавання іх адносіны былі нялёгкімі. У мемуарах спявачка пісала, што для яе было больш бяспечна наогул зусім не кантактаваць са старэйшай сястрой і братам Морганам.