Як клуб The Beatles стаў апартаментамі і скандал у Louis Vuitton — #ІхНоравы
![Замежныя навіны](/sites/default/files/styles/gallery_main/public/2024-08/297.jpg.webp?itok=-4imqkEP)
Замежныя навіны / @rubanau_collage
У Louis Vuitton — праблемы. Адна з кліентак буціка засталася незадаволеная прыёмам і вырашыла адпомсціць нахабным прадаўцам. Тым часам памяшканні клуба, дзе на ранніх этапах выступаў знакаміты квартэт The Beatles, выставілі на Airbnb. Цяпер турысты з усяго света могуць прыязджаць сюды за сапраўдным ліверпульскім настроем.
Дзе яшчэ можна файна адпачыць, нават калі вы на інвалідным вазку, і якія цуды знаходзяць археолагі на поўдні Германіі — чытайце ў нашай традыцыйнай рубрыцы “Іх норавы”.
Адпачынак для ўсіх
Цікавы летні лагер для маладых людзей з інваліднасцю арганізавала мальтыйская дабрачынная служба. 5-дзённы збор для 105 удзельнікаў праграмы прайшоў на возеры Балатон.
Каб у турыстаў ад адпачынку засталіся толькі прыемныя ўспаміны, для іх усталявалі спецыяльны мабільны пандус. Прыкаваным да інвалідных вазкоў людзям і ўсім, каму гэта патрабавалася, дапамагалі валанцёры.
— Для нас Балатон — гэта Рыўера, таму мы заўсёды прыязджаем сюды. Ёсць праграмы па плаванні ў возеры. Яшчэ тут катаюцца на парусніках. Многія ўпершыню ў жыцці заходзяць у возера, — кажа ініцыятар адпачынку Альпар Лазар.
Арганізатары распрацавалі для гасцей насычаную і цікавую праграму. У яе ўвайшлі і сустрэчы з параатлетамі, і кірмаш забаў з катаннем на быках, розныя гульні, стральба па мішэнях і гэтак далей.
— Самае галоўнае, што тут няма ніякіх бар'ераў. Кожны можа завесці сабе сяброў, — кажа Рычард, які прыязджае сюды ўжо шосты раз.
![Як клуб The Beatles стаў апартаментамі і скандал у Louis Vuitton — #ІхНоравы](/sites/default/files/styles/default_image_paragraph/public/paragraphs/image/gabor-kulcsar-L_vbehltPq8-unsplash.jpg.webp?itok=tYNF0GZo)
The Beatles на Airbnb
Знакаміты ліверпульскі Casbah Coffee Club, дзе на ранніх этапах кар'еры выступалі музыкі The Beatles, пераўтварылі ў апартаменты.
Каб сачыць за галоўнымі навінамі, падпішыцеся на канал Еўрарадыё ў Telegram.
Мы штодня публікуем відэа пра жыццё ў Беларусі на Youtube-канале. Падпісацца можна тут.