Расійскія ліберальныя медыя яднаюць беларусаў з Расіяй
Сцягі Беларусі і Расіі, ілюстрацыйнае фота
Расійскія ліберальныя медыя ўзмацняюць у беларусаў адчуванне культурнай блізкасці да Расіі. Іх аўдыторыя часцей, чым аўдыторыя беларускіх незалежных СМІ, лічыць, што беларусы падобныя да расіян — 45% супраць 17%. Такімі данымі дзеліцца сацыёлаг Канстанцін Несцяровіч.
Ён дадае, што беларуская аўдыторыя расійскіх ліберальных медыяў нашмат больш пазітыўна ацэньвае сітуацыю з беларускай мовай — 53% супраць 26% у аўдыторыі беларускіх незалежных СМІ.
"Гэтая культурная блізкасць матывуе выбіраць арыентацыю на Расію ў знешняй палітыцы. То бок, [расійскія] ліберальныя выданні робяцца інструментам расійскай "мяккай сілы" і замацоўваюць каланізацыю інфармацыйнага поля Беларусі", — робіць выснову Несцяровіч.
