Расія пагражае сарваць перамір'е ва Украіне ў адказ на санкцыі ЕС
Спікер Дзярждумы Сяргей Нарышкін заявіў, што Расія абавязкова адкажа на новыя санкцыі Еўрасаюза, калі яны будуць прынятыя.
"Якраз у гэты момант у Брусэлі не прыдумалі нічога лепшага, як абвясціць чарговыя антырасейскія санкцыі. На які адказ разлічвалі іх аўтары? На адказ Расіі? Гэты адказ абавязкова паследуе, і пра гэта мы шчыра, загадзя папярэджвалі нашых партнёраў", — заявіў ён.
Нарышкін лічыць, што дзеянні ЕС могуць прывесці да зрыву перамір'я ва Украіне, піша gazeta.ru.
Нагадаем, што 8 верасня ЕС узгадніў новы пакет санкцый супраць Расіі. Іх уступленне ў сілу было адкладзена для вывучэння таго, як выконваецца пагадненне аб спыненні агню на Украіне. Амбасадары ЕС прымуць рашэнне аб увядзенні санкцый супраць Расіі 10 верасня.
Фота — ria.ru
