Рашэнне пра трэці пакет "беларускіх" санкцый ЕС можа прыняць на гэтым тыдні
![Рашэнне пра трэці пакет "беларускіх" санкцый ЕС можа прыняць на гэтым тыдні](/sites/default/files/styles/gallery_main/public/2023-08/000019_fa562990d6639bee4325863b003f435b_327984.jpg.webp?itok=8lVy_fbV)
Рашэнне пра трэці пакет "беларускіх" санкцый ЕС можа прыняць ужо на гэтым тыдні. Пра гэта ў Twitter напісаў еўрапейскі аглядальнік Радыё Свабодная Еўропа/Радыё Свабода Рыкард Юзвяк. Па яго інфармацыі, у сераду пакет можа быць ухвалены камітэтам пастаянных прадстаўнікоў краін ЕС, а Савет Еўрасаюза прыме яго ў чацвер. Юзвяк піша, што санкцыі закрануць 29 фізічных і 7 юрыдычных асобаў.
ЕС збіраецца пашырыць санкцыі супраць Беларусі ў адказ на працяг рэпрэсій. Калі дагэтуль быў толькі "чорны спіс" з 55 асобаў (а сярод іх і Аляксандр Лукашэнка), адказных за фальсіфікацыі выбараў і гвалт супраць мірных дэманстрантаў, дык цяпер пад санкцыі могуць трапіць кампаніі, якія "фінансуюць рэжым Лукашэнкі".
EU ambassadors set to approve the third sanctions package on #Belarus tomorrow. 29 ppl and 7 entites. should then be green lighted by EU enivronment ministers on Thu ahead of official publication
— Rikard Jozwiak (@RikardJozwiak) December 15, 2020
Каб сачыць за галоўнымі навінамі, падпішыцеся на канал Еўрарадыё ў Telegram.
Мы штодня публікуем відэа пра жыццё ў Беларусі на Youtube-канале. Падпісацца можна тут.