Раманчук: Мясніковіч — не прыхільнік рынкавых прынцыпаў
Экс-кандыдат і эканаміст Яраслаў Раманчук пракаментаваў прызначэнне прэм'ер-міністрам Міхаіла Мясніковіча.
Новы кіраўнік урада "не будзе высоўвацца, не будзе асабліва сачыць за дысцыплінай ў грашова-бюджэтнай палітыцы”, лічыць Раманчук. Апроч таго, ён адзначае, што "Мясніковіч — гэта чалавек, які добра ведае механізмы прыватызацыі па-чубайсаўску". Эксперт не выключае, што "гэтыя схемы могуць быць ужытыя і ў Беларусі ".
Раманчук падкрэсліў, што былы кіраўнік Акадэміі навук не з'яўляецца прыхільнікам відавочных рынкавых прынцыпаў. "І вельмі дзіўна, што на чале мадэрнізацыі эканомікі Беларусі будуць пенсіянеры, людзі савецкай дзяржпланавай закваскі", —заявіў эканаміст БелаПАН.
