Ракаўскае прадмесце ў Мінску могуць перабудаваць

Гістарычны цэнтр Мінска зноў могуць перабудаваць: гэтым разам пад увагу трапляе Ракаўскае прадмесце, што вынікае з новага ўказа кіраўніка краіны.

Указ прыняты, каб "забяспечыць рацыянальнае выкарыстанне аб'ектаў нерухомай маёмасці і стварэнне адзінага архітэктурнага комплексу на тэрыторыі Ракаўскага прадмесця".

Як зменіцца прадмесце, стане вядома праз год, пакуль жа ідуць навуковыя даследаванні. Пра гэта Еўрарадыё паведамілі ў дзяржаўнай арганізацыі "Мінская спадчына", якая займаецца гістарычным цэнтрам сталіцы.

Супрацоўнік "Мінскай спадчыны": "Трэба падрыхтаваць праект рэгенерацыі, тады можна будзе дакладна вызначыць магчымасці рэканструкцыі ці ўзнаўлення нейкіх аб'ёмаў".

У арганізацыі дадаюць, што цягам года будзе дакладна вядома, як перабудуюць Ракаўскае прадмесце.

Фота: strator.livejournal.com