Вы тут

Прэм'ера: Цёплы кліп пра лета ад "Без Билета"

15 лютага "Без Билета" прэзентуюць кліп "Мы выклікаем лета". Рэжысёр кліпа — Міхаіл Бычонак, які годам раней зняў для "Без Билета" відэа "Адрас — планета Зямля".

"У гэтай песьні — элементы розных культур, якія выкарыстоўваюць песні і танцы для захавання розуму і радасці жыцця, а таксама ў якасці пластыру для невялікіх ран, — распавядае лідар "Без Билета" Віталь Артыст. — Самі мы таксама часта менавіта так здымаем стрэс, аж да прыходу суседзяў. 

А хаця б раз на год, па традыцыі, сабраўшы сяброў, мы здымаем кліп на адной паляне ў Віцебскай вобласці, гаспадары якой ужо прывыклі і самі з задавальненнем здымаюцца разам з намі".