Праваахоўнікі Растова абвяргаюць інфармацыю пра смерць Гіркіна
На ўкраінскіх сайтах зявілася інфармацыя, што былога "міністра абароны ДНР" Ігара Гіркіна (Стралкова) знайшлі мёртвым.
Паведамляецца, быццам яго выявілі ў адным з жылых дамоў. Смерць нібыта стала вынікам механічнай асфіксіі.
Еўрарадыё звярнулася ва ўпраўленне Следчага камітэта па Растоўскай вобласці Расіі, каб спраўдзіць гэтыя звесткі. Аднак супрацоўніца камітэта абвергла такую інфармацыю:
Супрацоўніца СК: "Не, мне пра гэта нічога не вядома. І якіх-небудзь каментароў ад імя Следчага ўпраўлення па Растоўскай вобласці я не давала".
Фота — inforesist.org
