Польскія памежнікі: праваднікі мігрантаў — часта студэнты беларускіх ВНУ
![Польскія памежнікі / twitter.com/Straz_Graniczna](/sites/default/files/styles/gallery_main/public/2023-08/straz-0302-2_0.jpg.webp?itok=nHRQ-N1N)
Польскія памежнікі / twitter.com/Straz_Graniczna
За апошні тыдзень польскія памежнікі затрымалі сем праваднікоў мігрантаў, паведамляе прэс-служба ведамства.
Нелегальна перайсці мяжу з Беларусі ў Польшчу дапамагалі мужчыны, якія прыбылі з Турцыі, Ірана, Туркменістана і Азербайджана. Як сцвярджаюць польскія памежнікі, часта праваднікамі становяцца студэнты-замежнікі, якія навучаюцца ў Беларусі: "Часта гэта студэнты беларускіх ВНУ, выхадцы з Ірака, Турцыі ці былых постсавецкіх рэспублік".
Гэтых замежнікаў вярбуюць у злачынныя групоўкі, абяцаюючы высокі і лёгкі заробак.
Польскія памежнікі заяўляюць, што ад гэтага бізнесу прыбытак маюць як арганізатары, так і беларускія службы. "Напрыклад, чалавек, які праводзіць замежнікаў праз польска-беларускую мяжу (за выкананае заданне) павінен атрымаць 2,5 тысячы долараў, а ён толькі адзін з элементаў у арганізацыі нелегальнага перасячэння мяжы ЕС", — падкрэсліваецца ў паведамленні.
Каб сачыць за галоўнымі навінамі, падпішыцеся на канал Еўрарадыё ў Telegram.
Мы штодня публікуем відэа пра жыццё ў Беларусі на Youtube-канале. Падпісацца можна тут.