Польшча пабудуе сцяну на мяжы з Беларуссю і Украінай
Прэзідэнт Польшчы Анджэй Дуда падпісаў закон аб захадах па барацьбе з афрыканскай чумой свінняў. У адпаведнасці з гэтым законам на мяжы з Беларуссю і Украінай будзе ўзведзеная сцяна.
Раней паведамлялася, што такую сцяну плануецца ўзвесці не на самой мяжы, а ў памежнай рысе. Паводле сваёй канструкцыі сцяна будзе нагадваць агароджу ўздоўж хуткасных трасаў.
Тэрміны ўзвядзення сцяны — 2018-2021 гады. На гэты праект плануецца патраціць болей за 37 мільёнаў долараў, паведамляюць замежныя СМІ.
Сцяна павінна абмяжоўваць міграцыю дзікоў — менавіта яны з’яўляюцца разносчыкамі небяспечнага віруса, які можа пасля перайсці на свойскіх жывёл.
