Перад матчам Алжыр — Расія паведамілі пра падводныя лодкі для алжырцаў
У Расіі будуць пабудаваныя дзве дызель-электрычныя падводныя лодкі для Алжыра.
Пра гэта сёння паведамляе РІА "Новости" са спасылкай на крыніцу ў абаронча-прамысловым комплексе. Праект на будаўніцтва ўжо ратыфікаваны, яго рэалізуюць "Адміралцейскія верфі". Кошт кантракту і тэрміны яго рэалізацыі невядомыя.
Дарэчы, сёння на футбольным чэмпіянаце свету ў Бразіліі пройдзе матч Алжыр — Расія. У ім вырашыцца лёс адной з пуцёвак у 1/8 фінала. У зборнай Алжыра 3 ачкі, у Расіі і Паўднёвай Карэі — па 1 ачку, зборная Бельгіі з 6 ачкамі ўжо забяспечыла сабе месца ў плэй-оф.
