Пазіцыя Беларусі па ўкраінскіх падзеях застаецца нязменнай

У Мінску прайшло пасяджэнне Савета бяспекі па папярэдніх выніках першага этапу праверкі боегатоўнасці Узброеных сіл Беларусі.

Падчас яго кіраўнік дзяржавы выказаўся наконт сітуацыі ў Крыме. Аляксандр Лукашэнка заявіў, што пры вызначэнні пазіцыі Беларусі ў гэтай сітуацыі ён зыходзіць з нацыянальных інтарэсаў краіны. Ён заявіў, што Крэмль не цісне на яго ў гэтым пытанні. Такім чынам Лукашэнка пракаментаваў здагадкі ў СМІ, быццам ён не саступае ціску Крамля, перадае interfax.by. Але апошнім часам беларускі кіраўнік, па яго словах, знаходзіцца ў "пастаянным кантакце" з расійскім прэзідэнтам.

Акрамя таго, кіраўнік дзяржавы адзначыў, што Беларусь не спыняла супрацоўніцтва з Украінай.

Нагадаем, што  раней Лукашэнка выказваўся за тэрытарыяльную непадзельнасць Украіны.

Фота — rstk.by