Памёр вядомы амерыканскі пісьменнік Філіп Рот
![Памёр вядомы амерыканскі пісьменнік Філіп Рот](/sites/default/files/styles/gallery_main/public/2023-08/2018-05-23t034019z_857234697_rc1a1d00ebf0_rtrmadp_3_people-philiproth.jpg.webp?itok=PYUKfhqp)
Памёр вядомы амерыканскі пісьменнік Філіп Рот. Аднаму з найбольш выбітных раманістаў пасляваеннай Амерыкі было 85 гадоў, інфармуе "Бі-Бі-Сі".
Рот атрымаў сусветную вядомасць як аўтар раманаў "Вызвалены Цукерман", "Змова супраць Амерыкі" ды іншых. Агулам ён выдаў больш за 30 раманаў, апошні — у 2009 годзе. Пісьменнік неаднаразова намінаваўся на Нобелеўскую прэмію па літаратуры, але атрымаць яе яму не пашчасціла. Затое Філіп Рот быў уганараваны шэрагам іншых прэстыжных літаратурных узнагарод.