Памёр генеральны консул Беларусі ў Стамбуле
17 лістапада памёр генеральны консул Беларусі ў Стамбуле Уладзімір Мірановіч, інфармуе сайт генконсульства. Яму быў 61 год.
Мірановіч — ураджэнец Браслава. Скончыў Беларускі політэхнічны інстытут і Акадэмію кіравання пры прэзідэнце, кандыдат тэхнічных навук. Працаваў у Мінэканомікі, пасля — у апараце Саўміна. З 1996-га — на дыпламатычнай працы. На пасадзе генконсула Беларусі ў Стамбуле працаваў з 2016 года.
Фота: БЕЛТА
