Памёр адзін з лідараў прадпрымальніцкага руху Віктар Чайкоўскі
Некалькі дзён таму яму рабілі ў Мінску аперацыю на вачах. Пасля яе Чайкоўскі казаў, што нармальна сябе адчувае.
Яму было 46 гадоў, інфармуе сайт charter97.org.
Лідар рэспубліканскага грамадскага аб'яднання "Перспектыва" Анатоль Шумчанка кажа ў гутарцы з Еўрарадыё, што Віктар Чайкоўскі быў у прадпрымальніцкім руху ад 2005 года.
Шумчанка: "Добры быў чалавек, вясёлы, заўсёды гаварыў тое, што думае. Абараняў прадпрымальнікаў, як мог. Ездзіў у Мінск да нас, удзельнічаў у акцыях пратэсту, у першых шэрагах заўсёды быў. Заўсёды казаў праўду, яна вельмі не падабалася ўладам. Ён быў вельмі сур'ёзным раздражняльнікам мясцовых уладаў у сябе ў рэгіёне".
Чайкоўскі ўваходзіў у брэсцкую кааліцыю дэмакратычных сілаў, неаднаразова затрымліваўся за сваю грамадскую дзейнасць.
Фота — svaboda.org
