Палітвязню Арцёму Касакоўскаму дадалі паўтара года да ранейшых пяці

Палітвязню Арцёму Касакоўскаму дадалі паўтара года да ранейшых пяці

Палітвязню Арцёму Касакоўскаму, асуджанаму на пяць гадоў калоніі, дадалі яшчэ 1,5 года зняволення, паведамляюць праваабаронцы. Дадатковы тэрмін яму прысудзіў суд Лідскага раёна.

Арцём адбывае ў наваполацкай калоніі тэрмін у пяць гадоў па мінскай "справе чата".

Цяпер яго абвінавацілі ва ўдзеле ў пратэсных акцыях у Лідзе ў жніўні 2020 года. Хлопцу выставілі абвінавачанні па трох артыкулах Крымінальнага кодэкса: арт. 341 (апаганьванне або знішчэнне маёмасці), ч. 1 арт. 342 (удзел у дзеяннях, якія груба парушаюць грамадскі парадак), арт. 364 (гвалт альбо пагроза прымянення гвалту ў дачыненні да супрацоўніка органаў унутраных спраў).

Галоўным доказам віны па справе стала відэа на YouTube, дзе Касакоўскага знайсці цяжка. Вядома, што на мітынгу ў Лідзе для разгону пратэстоўцаў ужываліся святлошумавыя гранаты, а таксама сілавікі стралялі.

У выніку Арцёму дадалі 1,5 года зняволення.

Дарэчы, 14 чэрвеня палітвязню спаўняецца 24 гады. Гэта другі дзень народзінаў, які хлопец сустрэне ў зняволенні.

Каб сачыць за галоўнымі навінамі, падпішыцеся на канал Еўрарадыё ў Telegram.

Мы штодня публікуем відэа пра жыццё ў Беларусі на Youtube-канале. Падпісацца можна тут.

Апошнія навіны

Галоўнае

Выбар рэдакцыі