Палітвязня Паўла Севярынца пакінулі за кратамі да канца красавіка
![Палітвязня Паўла Севярынца пакінулі за кратамі да канца красавіка](/sites/default/files/styles/gallery_main/public/2023-08/dscn7852.jpg.webp?itok=ojtE9IJ0)
Палітвязня Паўла Севярынца пакінулі за кратамі да канца красавіка. Яму зноў падоўжылі на 2 месяцы тэрмін следства (ён заканчваўся 20 лютага). Пра гэта паведаміла ў Facebook жонка Паўла Вольга Севярынец.
"Пайшлі варушэнні па справе, — піша яна. — Калі мы збаімся і не адстаім нашых лепшых, то суд, верагодна, адбудзецца праз 2-2,5 месяцы".
Апазіцыйны палітык і пісьменнік у няволі з пачатку лета 2020 года. Севярынца затрымалі 7 чэрвеня і асудзілі па адміністрацыйным артыкуле на 15 сутак арышту. Але неўзабаве яму дадалі новых сутак, а пасля выставілі абвінавачанне па крымінальным артыкуле — удзел у "масавых беспарадках".
Сыну Паўла і Вольгі Севярынцаў Францішку 23 сакавіка споўніцца тры гады.
Каб сачыць за галоўнымі навінамі, падпішыцеся на канал Еўрарадыё ў Telegram.
Мы штодня публікуем відэа пра жыццё ў Беларусі на Youtube-канале. Падпісацца можна тут.