Палітвязня Мікіту Залатарова перавялі ў турму строгага рэжыму

Палітвязня Мікіту Залатарова перавялі ў турму строгага рэжыму

Палітвязня Мікіту Залатарова перавялі з магілёўскай папраўчай калоніі № 15 у жодзінскую турму строгага рэжыму № 8. Такім чынам юнаку змянілі рэжым на больш строгі, паведамляюць праваабаронцы са спасылкай на яго бацьку.

Залатарова затрымалі ў 17-гадовым узросце і абвінавацілі за пратэсты жніўня 2020 года па трох артыкулах Крымінальнага кодэксу. Тады яго пакаралі 5 гадамі выхаваўчай калоніі. У ліпені 2021-га хлопцу прысудзілі 1 год і 6 месяцаў гады калоніі агульнага рэжыму па артыкуле "Гвалт ці пагроза гвалту ў дачыненні да супрацоўніка органаў унутраных спраў" (нібыта ён напаў на работнікаў СІЗА). У чэрвені сёлета палітвязня перавялі ў папраўчую калонію.

Мікіта Залатароў хварэе: у яго эпілепсія.

Каб сачыць за галоўнымі навінамі, падпішыцеся на канал Еўрарадыё ў Telegram.

Мы штодня публікуем відэа пра жыццё ў Беларусі на Youtube-канале. Падпісацца можна тут.

Апошнія навіны

Галоўнае

Выбар рэдакцыі