Новы 2017 год пачнецца на секунду пазней
Новы 2017 год пачнецца на секунду пазней. Спецыялісты Міжнароднай службы кручэння Зямлі яе дададуць да апошняй хвіліны 31 снежня 2016 года, інфармуе ria.ru.
Так званая каардынацыйная (або высакосная) секунда ўводзіцца для ўзгаднення часу UTC (сусветны каардынаваны час), які прыняты ў якасці стандарту для часу гадзінных паясоў планеты, і шкалы UT1 (ўніверсальны час). З-за запаволення хуткасці кручэння Зямлі розніца ў працягласці сутак па агульнапрынятым стандарце і рэальнай працягласцю сонечных сутак, якая ляжыць у аснове разліку універсальнага часу, расце.
У апошнія дзесяцігоддзі навукоўцы дадаюць па адной секундзе на год. Папярэдні раз высакосная секунда ўводзілася 30 чэрвеня 2015 года. У будучыні, калі хуткасць замаруджвання кручэння Зямлі не зменіцца, давядзецца дадаваць ужо 2 секунды.
