Наймальнікі размясцілі 2300 вакансій у брэсцкай службе занятасці
Працоўная кніжка / БрестСити
За першыя паўгода 2021 года наймальнікі размясцілі 2300 вакансій у брэсцкай службе занятасці. Гэта на 66% больш, чым за аналагічны перыяд 2020 года, паведамляе старшыня Брэсцкага гарвыканкама Аляксандр Рагачук у сваім ТГ-канале.
З гэтай прычыны гарвыканкам правядзе "Кірмаш вакансій", дзе беспрацоўныя змогуць "наладзіць кантакт з працадаўцамі і атрымаць актуальную інфармацыю аб вакантных месцах". Кірмаш будзе праходзіць 8 ліпеня па адрасе вул. Энгельса, 3 з 10.00 да 12.00.
Рагачук падкрэслівае што вакансіі для працаўладкавання жыхароў рэгіёна пададуць каля 50 наймальнікаў.
