Намеснік старшыні Вярхоўнага суда: Беларуская мова — найперш творы пісьменнікаў
![Намеснік старшыні Вярхоўнага суда: Беларуская мова — найперш творы пісьменнікаў](/sites/default/files/styles/gallery_main/public/2023-08/kalinkovich.jpg.webp?itok=K8zvNTww)
Беларуская мова незапатрабаваная ў бакоў у судзе. Такое меркаванне падчас прэс-канферэнцыі выказаў першы намеснік старшыні Вярхоўнага суда Валерый Калінковіч.
Калінковіч: "На сённяшні дзень справаводства на беларускай мове не вельмі запатрабаванае ў бакоў. Таму большасць судовых спраў вядзецца на рускай мове. Я не бачу ў гэтым праблемы, бо асабіста для мяне беларуская мова — гэта найперш творы нашых пісьменнікаў", мова Якуба Коласа і Янкі Купалы. Я цяпер дачытваю кнігу Алега Лойкі "Францыск Скарына. Сонца маладзіковае". Мне не хочацца гаварыць пра абставіны злачынстваў на беларускай мове. Не таму мяне мама вучыла".