Надвор’е на сераду: дажджы, 18-24 градусаў цяпла
У бліжэйшыя суткі, 15 траўня ў Беларусі будзе хмарна з праясненнямі.
Уначы месцамі, а ўдзень на большай частцы тэрыторыі пройдуць кароткачасовыя дажджы, у асобных раёнах навальніцы. Вецер паўночны ўмеркаваны, пры навальніцах парывісты.
Тэмпература паветра ўначы складзе 11-16 градусаў цяпла, па захадзе Брэсцкай і Гродзенскай абласцей — плюс 8-10 градусаў. Удзень прагназуецца 18-24 цяпла, ва ўсходніх раёнах паветра прагрэецца да 28 градусаў, перадае БЕЛТА са спасылкай на Белгідрамет.
