На ўдзельнікаў пікета ў падтрымку Надзеі Саўчанка склалі пратаколы
Міліцыянты склалі пратаколы на ўдзельнікаў пікету ў падтрымку ўкраінскай лётчыцы Надзеі Саўчанка. Акцыя адбылася 9 сакавіка каля расійскай амбасады ў Мінску.
Як паведамляе праваабарончы сайт "Вясна", пратаколы за ўдзел у несанкцыяванай вулічнай акцыі склалі на актывістаў “Еўрапейскай Беларусі” Леаніда Кулакова, Максіма Вінярскага, прадпрымальніка Алеся Макаева, рэжысёрку Вольгу Нікалайчык, Дзмітрыя Захарэвіча, 79-гадовага пенсіянера Алега Шакуліна, Ірыну Церашкову, Алега Гаеўскага, Алега Кліменку, Сяргея Смірнова.
Агулам да адміністрацыйнай адказнасці будуць прыцягнутыя мінімум 12 чалавек.
