Мінскага прадпрымальніка затрымалі за тапак "Стоп-таракан" на аўто
![Іван Тышчанка / сацсеткі](/sites/default/files/styles/gallery_main/public/2023-08/ty64anka-0612.jpg.webp?itok=HTdgmpt4)
Іван Тышчанка / сацсеткі
У Мінску сілавікі затрымалі Івана Тышчанку за тапак "Стоп-таракан" на машыне, піша "Наша Ніва". Фота аўтамабіля з тапкам паказалі ў відэароліку на канале сілавікоў.
35-гадовы прадпрымальнік валодае інтэрнэт-крамай. Адным з першых ён вырабіў гадзіннікі з "Пагоняй", якія афіцыйна замовіў на заводзе "Луч". Свае дзеянні Тышчанка тлумачыў тым, што беларусы цікавяцца сваёй гісторыяй, а бізнес павінен гэта падтрымліваць.
У відэароліку сілавікоў таксама паказваюць фота з удзелам Тышчанкі ў адным з нядзельных маршаў. Таксама сілавікі заяўляюць, быццам прадпрымальнік удзельнічаў у плане "Перамога".
Каб сачыць за галоўнымі навінамі, падпішыцеся на канал Еўрарадыё ў Telegram.
Мы штодня публікуем відэа пра жыццё ў Беларусі на Youtube-канале. Падпісацца можна тут.