Маланка пашкодзіла адно з “новых сямі цудаў свету”
Ударам маланкі збіла частку пальца на правай руцэ знакамітай статуі Хрыста-Адкупіцеля на гады Коркаваду ў Рыа-дэ-Жанэйра.
Прадстаўнікі каталіцкай царквы паведамілі, што рэстаўрацыю статуі правядуць у лютым, інфармуе ВВС.
Паводле звестак метэаролагаў, маланка трапіла ў манумент увечары ў чацвер у разгар наймацнейшай навальніцы, якая абрынулася на бразільскі мегаполіс. Увогуле ж на статую прыпадае ў сярэднім чатыры ўдары маланкі штогод.
38-метровую статую Хрыста-Адкупіцеля будавалі на грамадскія ахвяраванні з 1922 па 1931 год. У 2007 годзе манумент далучылі да новых сямі цудаў свету.
