Макей гаварыў з паслом Расіі на тэму інтэграцыйнага ўзаемадзеяння
![Макей гаварыў з паслом Расіі на тэму інтэграцыйнага ўзаемадзеяння](/sites/default/files/styles/gallery_main/public/2023-08/eqgt0bywaaiu1xj.jpg.webp?itok=SEe5PJBU)
11 лютага ў Мінску адбылася сустрэча міністра замежных спраў Беларусі Уладзіміра Макея і расійскага пасла Дзмітрыя Мезенцава. Прэс-служба МЗС нашай краіны паведамляе, што Макей і Мезенцаў абмеркавалі "актуальныя пытанні беларуска-расійскага супрацоўніцтва ў шэрагу сфер". Таксама гаворка ішла па тэматыцы "інтэграцыйнага ўзаемадзеяння". Тэмай размовы стаў і графік "маючых адбыцца кантактаў на розных узроўнях".
Прэс-служба расійскага пасольства распаўсюдзіла дакладна такую ж інфармацыю.
Як вядома, 7 лютага ў Сочы адбылася сустрэча Аляксандра Лукашэнкі і Уладзіміра Пуціна. Галоўнымі яе пытаннямі сталі пастаўкі ў нашу краіну нафты і газу.
Каб сачыць за галоўнымі навінамі, падпішыцеся на канал Еўрарадыё ў Telegram.
Мы штодня публікуем відэа пра жыццё ў Беларусі на Youtube-канале. Падпісацца можна тут.