Магнітная бура гэтай ноччу была наймацнейшай за апошнія 20 гадоў
![магнитная буря 11 мая](/sites/default/files/2024-05/20240506110746_1024_aia_0131.2024-05-06-07_22_52-1.gif)
Успышкі на сонцы / NOAA
Магнітная бура, якая пачалася гэтай ноччу пасля вялікай сонечнай успышкі, была наймацнейшай за апошнія два дзесяцігоддзі. Нацыянальнае ўпраўленне акіянічных і атмасферных даследаванняў ЗША надало ёй узровень G5 — максімальны з магчымых. Апошнім разам такі ўзровень быў зафіксаваны ў 2001 годзе.
Днём у суботу, як паведамляюць навукоўцы, узровень магнітнай буры пачаў зніжацца, але дагэтуль ацэньваецца як "экстрэмальна моцны".
Ноччу праз магнітную муру шмат дзе, у тым ліку ў Беларусі, бачылі паўночнае ззянне. Але былі і праблемы: шмат хто скардзіцца на праблемы са здароўем. Таксама фіксаваліся збоі ў перадачы радыёсігналаў на кароткіх хвалях.
Моцная магнітная бура. Якіх наступстваў чакаць?
Каб сачыць за галоўнымі навінамі, падпішыцеся на канал Еўрарадыё ў Telegram.
Мы штодня публікуем відэа пра жыццё ў Беларусі на Youtube-канале. Падпісацца можна тут.