Лясы Гродзенскай вобласці закрываюцца для наведвання
Раней такія абмежаванні ўвялі ў шэрагу іншых рэгіёнаў краіны.
У сувязі з гарачым надвор’ем з 5 жніўня ўводзіцца забарона на наведванне лясоў на ўсёй тэрыторыі Гродзенскай вобласці, паведамляе БЕЛТА са спасылкай на прэс-служба Міністэрства лясной гаспадаркі.
Напярэдадні ў міністэрстве абмяркоўвалі неабходнасць аднаўлення забароны на наведвання лясоў на большай частцы тэрыторыі Беларусі.
Па стане на 3 жніўня такая забарона дзейнічае на ўсёй тэрыторыі Брэсцкай вобласці, у Буда-Кашалёўскім, Рэчыцкім, Ельскім, Брагінскім, Лельчыцкім, Чычэрскім і Кармянскім раёнах Гомельшчыны. Таксама забаронена наведваць лясы ў Любанскім, Мінскім, Дзяржынскім, Старобінскім і Чэрвенскім раёнах Мінскай вобласці.
У астатніх раёнах краіны лясы пакуль адкрытыя для наведвання.
Абмежаванні ўводзяцца з-за павышанай небяспекі ўзнікнення пажараў.
