Лукашэнка сказаў студэнтам, што яму не сорамна на свае ўчынкі

29 студзеня падчас наведвання БДУ Аляксандр Лукашэнка сказаў студэнтам, што яму не сорамна на свае ўчынкі. "Я абараняю сваю краіну, — цытуе яго словы @pul_1. — Я ні ў вас, ні ў сваёй краіны капейкі, ламанага гроша не ўзяў і не скраў".

Лукашэнка заявіў, што аддаў будаўніцтву суверэннай Беларусі "ўсё сваё свядомае жыццё". Таму ён "вельмі востра рэагуе, калі яе хочуць разбурыць".

Аляксандр Лукашэнка прызнаўся, што яго прэс-сакратарка Наталля Эйсмант не верыла, што "пасля ўсіх гэтах падзей" ён рашыцца паехаць да студэнтаў. "Я ў сваёй краіне абсалютна нікога не баюся, — гаварыў ён. — Мне няма чаго саромецца перад вамі за любыя свае ўчынкі". Пры гэтым прызнае, што "не святы".

"Немагчыма прапрацаваць прэзідэнтам больш чвэрці стагоддзя і дзесьці не спатыкнуцца, не здзейсніць памылкі, — працягваў Лукашэнка. — Але сістэмных памылак мы з вамі не дапусцілі".

За апошнія паўгода ў Беларусі былі затрыманыя больш за 30 тысяч чалавек, у краіне 221 палітвязень, уведзеныя санкцыі.

Каб сачыць за галоўнымі навінамі, падпішыцеся на канал Еўрарадыё ў Telegram.

Мы штодня публікуем відэа пра жыццё ў Беларусі на Youtube-канале. Падпісацца можна тут.