Лукашэнка распавёў пра крытыку ў інтэрнэце
Аляксандр Лукашэнка абураны крытыкай у інтэрнэце. 29 ліпеня падчас кадравых прызначэнняў ён спыніўся на планах на сёлетні ўраджай. "Я чытаю агляды з інтэрнэту: як заўсёды, у нас ёсць "разумныя", — цытуе словы кіраўніка дзяржавы яго прэс-служба. — Яны нават крытыкуюць маю заяву пра тое, што мы павінны імкнуцца да 9,5 мільёна тон збожжа, ніжэй за 9 [мільёнаў тон] нельга".
Лукашэнка ў справе ўраджаю спасылаўся на зацверджаныя планы. Паводле яго слоў, сёлета трэба сабраць 7 мільёнаў тон збожжа, каля 700 тон рапсу, 1,7 млн тон кукурузы на зерне і 300-400 тысяч тон астатніх культур. Вось і атрымліваецца 9,7 млн тон ураджаю, адзначыў кіраўнік дзяржавы. "Тут усё падлічана", — сказаў ён. А калі ўдасца сабраць усё "да зярнятка", то можа быць і 10 мільёнаў тон.
Планы на кантролі ў кіраўніка Адміністрацыі прэзідэнта. "І жорстка будзем кантраляваць урад і, вядома ж, вас", — сказаў Аляксандр Лукашэнка новапрызначаным старшыням райвыканкамаў.
