Вы тут

Лукашэнка расказаў, у чым вінавацяць "Модум", 21vek і "Белцяжмаш"

Аляксандр Лукашэнка / БЕЛТА

Аляксандр Лукашэнка 30 ліпеня пракаментаваў справы TUT.BY, кампаній 21vek, “Модум", "Юркас", "Белцяжмаш”. 

Па яго словах, якія перадае БЕЛТА, яны са жніўня 2020 года па чэрвень 2021-га нібыта нанеслі шкоду дзяржаве на суму каля 30 мільёнаў рублёў.

Лукашэнка заявіў, што гэтыя кампаніі недаплочвалі падаткі, а на зэканомленыя грошы фінансавалі пратэсты. Абвінавачванняў прагучала шмат, а доказаў ніякіх. 

Пра Каардынацыйную раду Лукашэнка са спасылкай на “даныя следства” заявіў, што адзін з яе сябраў нібыта накіраваў са свайго брытанскага рахунку больш за 1,5 млн рублёў для пратэстоўцаў у Беларусі. Прозвішча не называецца.

Каб сачыць за галоўнымі навінамі, падпішыцеся на канал Еўрарадыё ў Telegram.

Мы штодня публікуем відэа пра жыццё ў Беларусі на Youtube-канале. Падпісацца можна тут.